Consellería de Medio Ambiente, Territorio e Vivenda

CMATI

Vostede está en:
|
|
|
Compartir

Preguntas frecuentes (FAQs)

Consultas frecuentes en aplicación do REGLAMENTO (UE) 2024/1157 do Parlamento Europeo e do Consello

1. Páxina de información da Comisión Europea

Waste shipments - European Commission

2. Páxina de información do MITERD

Web de información do MITERD

3. Que é o sistema DIWASS e a que traslados afecta?

O DIWASS (Digital Waste Shipment System) é a plataforma electrónica desenvolvida pola Comisión Europea para a xestión dos documentos dos traslados internacionais de residuos.

Este sistema afecta a todos os traslados nos que España sexa país de orixe, destino ou tránsito.

4. Cando será obrigatorio comezar a utilizar DIWASS?

A obrigatoriedade establécese en dúas fases:

  • Traslados suxeitos a notificación previa (Anexos IA e IB): 21 de maio de 2026
  • Traslados con requisitos xerais de información (Anexo VII): 1 de xaneiro de 2027

Importante: os expedientes iniciados antes do 21/05/2026 continuarán polo sistema anterior.

5. Quen ten a obriga de utilizar DIWASS?

Todos os operadores económicos definidos no Regulamento (UE) 2025/1290: notificantes, organizadores do traslado, transportistas, destinatarios, produtores de residuos e instalacións de xestión.

6. Como se realiza o rexistro no sistema?

O rexistro de operadores estará dispoñible a partir do 21 de abril de 2026.

  1. Crear unha conta EU Login con verificación en dous factores e acceder a DIWASS.
  2. Rexistrar o operador económico ao que representa e solicitar a súa validación á autoridade competente.
  3. Crear os emprazamentos (centros de produción ou tratamento) unha vez validado o operador.

Nota: a aprobación só pode realizarse dentro de DIWASS.

A ter en conta:

7. Quen é a administración responsable do rexistro?

A autoridade competente depende da ubicación:

  • Operador económico: comunidade autónoma da sede social.
  • Emprazamentos: comunidade autónoma onde estean situados.
  • Países terceiros: MITECO cando non empreguen DIWASS (código E99).
ES12GALICIA Subdirección Xeral de Residuos. Dirección Xeral de Calidade Ambiental, Sostibilidade e Cambio Climático.
Consellería de Medio Ambiente, Territorio e Vivenda. Xunta de Galicia. 		residuos.ma@xunta.gal

8. Como se acredita a representación ante a Xunta de Galicia?

Unha vez solicitado o rexistro en DIWASS, o usuario debe acreditar que representa legalmente a esa empresa ou centro.

  • Recoméndase o apoderamento tipo C mediante APODERA (código SIA 3252347).
  • A documentación (xustificante de apoderamento ou outro documento válido en dereito) debe enviarse a: residuos.ma@xunta.gal

Importante indicar no título do correo: Representación DIWASS

9. Cal é o prazo para que a Administración aprobe o meu rexistro?

A administración dispón de 5 días hábiles para resolver a solicitude, a contar desde que se solicita o rexistro en DIWASS e se envía a documentación de representación.

10. Debo seguir utilizando a plataforma GaIA da Xunta?

Dobre rexistro obrigatorio: Aínda que se utilice a plataforma europea DIWASS para os traslados, a información debe seguir rexistrándose na plataforma GaIA para cumprir coa obriga legal de levar o arquivo cronolóxico, segundo o establecido no artigo 27.5 da Lei 6/2001.

Está prevista, a longo prazo, a simplificación do rexistro en GaIA eResiduos, co obxectivo de evitar duplicidades.

11. É necesario seguir presentando o Anexo VIII de previsión semestral?

Si. Mantense a obriga de presentación segundo a normativa autonómica galega. Non existe conflito entre a normativa europea e a autonómica, ao tratarse de obrigas de distinta natureza e ámbito de aplicación, polo que a normativa autonómica resulta plenamente aplicable no que non contradiga ao Regulamento europeo.

12. Buzóns de consultas DIWASS

Para cuestións técnicas relacionadas co funcionamento do sistema central, Soporte Comisión Europea: SANTE-TRACES@ec.europa.eu

Para dúbidas relacionadas coa utilización de DIWASS: bzn-diwass@miteco.es Teléfono: 913538395 (luns a venres de 9:00 a 14:00 h.)

Para consultas relacionadas coa normativa do Regulamento (UE) 2024/1157 do Parlamento Europeo e do Consello, de 11 de abril de 2024: basel@miteco.es

Para consultas específicas de traslados internacionais de residuos transfronteirizos na CCAA Galicia: residuos.ma@xunta.gal

13. Outra información de interese

Buscador avanzado