Consellería de Medio Ambiente, Territorio e Vivenda

O DIWASS (Digital Waste Shipment System) é a plataforma electrónica desenvolvida pola Comisión Europea para a presentación e intercambio de documentos relativos aos traslados internacionais de residuos.

Páxina de información Comisión Europea

Páxina de información MITERD

Este sistema afecta a todos os traslados nos que España sexa o país de orixe, destino ou tránsito.

A obrigatoriedade establécese en dúas fases:

1. Traslados sometidos a notificación e autorización previa por escrito (artigos 5 a 17 do Regulamento 2024/1157). Anexo IA e IB: A partir do 21 de maio de 2026. Dende esta data non se poderán remitir estes anexos polas canles antigas.
2. Traslados de residuos sometidos aos requisitos de información xeral (artigo 18 do Regulamento 2024/1157). Anexo VII: A partir do 1 de xaneiro de 2027.

*Importante: Se un traslado foi iniciado e acusado de recibo pola autoridade de destino antes do 21 de maio de 2026, seguirá tramitándose polas canles anteriores ata a súa finalización.

Deberán empregar esta plataforma todos os operadores económicos definidos no Regulamento (UE) 2025/1290: notificantes, persoas que organizan o traslado, transportistas, destinatarios, produtores de residuos e instalacións de xestión.

O rexistro de operadores e emprazamentos estará habilitado a partir do 21 de abril de 2026.

 Os pasos principais son:

PASO 1. Acceso a DIWASS mediante EU Login

Para poder acceder a DIWASS é necesario dispor dunha conta de EU login, con verificación en dos factores. A Comisión habilitou unha guía paso a paso para explicar o acceso á plataforma DIWASS

PASO 2. Crear o operador económico

Debe crear o operador económico* ao que representa indicando como mínimo:

- Correo electrónico e teléfono de contacto

A continuación, deberán solicitar a súa aprobación en DIWASS por parte da autoridade competente.

Segundo a súa situación:

- Primeira vez en DIWASS: ver manual do usuario para operadores, capítulo 2.

- Si xa ten acceso a outros operadores en DIWASS: Ver capítulo 4 do manual e vídeo explicativo nº 3.

PASO 3. Solicitar autorización de representación en DIWASS (Alta usuario master)

Debe solicitar á autoridade competente a autorización para representar a operadores en DIWASS como usuario* a través da propia plataforma.

Segundo a súa situación:

- Usuario non activo en DIWASS: Ver manual de usuario, capítulo 3 e vídeo explicativo nº 2.

- Usuario acceso a outros operadores en DIWASS:: Ver manual do usuario, capítulo 5 e vídeo explicativo nº 4.

Ademais, deberá enviar o xustificante de apoderamento (ou outro documento válido en dereito) por correo electrónico a: residuos.ma@xunta.gal   *Importante: indicar no asunto do correo: Representación DIWASS - Nome da empresa

PASO 4. Xestión de usuarios

Unha vez validados o operador e o usuario principal pola autoridade competente, habilitaranse novas funcionalidades en DIWASS

A partir dese momento, o usuario principal poderá autorizar a outros usuarios dentro da organización sen necesidade de autorización adicional por parte da autoridade competente). Ver capítulo 6 do manual de usuario para operadores e vídeo explicativo nº 5.

PASO 5: Creación de emprazamentos

Aplicable unicamente a centros de produción e/ou de tratamento. Non se require para transportistas, negociantes ou axentes. Ver capítulo 7 do manual de usuario para operadores e vídeo explicativo nº 6.

PASO 6: Envío notificación

Manual de instruccións documentos de notificación e movemento.

Ver vídeo explicativo nº 7

PASO 7: Responder solicitudes de información adicional

Manual de instruccións documentos de notificación e movemento.

Ver vídeo explicativo nº 8

*Fontes:

- Manual de usuario para operadores 

- Manual de instruccións documentos de notificación e movemento. 

- Vídeos explicativos subtitulados en castelán (Accede ao apartado DIWASS e selecciona Operator para indicar o operador correspondente)

De conformidade co artigo 7.8 do Regulamento de execución (UE) 2025/1290, por Acordo da Comisión de Coordinación en materia de residuos, establecéronse as normas para o reparto de competencias entre as autoridades competentes que leven a cabo o rexistro dos operadores económicos ou emprazamentos en DIWASS:

• Nos casos de creación dun operador económico en DIWASS, a comunidade autónoma onde o operador económico teña a súa sede social.

• Nos casos de creación dun emprazamento en DIWASS, a comunidade autónoma onde estea localizado ese emprazamento.

• No caso de creación de operadores económicos e/ou emprazamentos en DIWASS localizados nun país terceiro fóra da Unión Europea, o Ministerio para a Transición Ecolóxica e o Reto Demográfico, nos supostos nos que a autoridade competente do país onde se atope o operador económico ou emprazamento decidise non utilizar DIWASS (código E99). Subdirección Xeral de Residuos. Dirección Xeral de Calidade e Avaliación Ambiental: bzn-diwass@miteco.es

Unha vez solicitado o rexistro en DIWASS, o usuario debe acreditar que representa legalmente a esa empresa ou centro.

• Opción recomendada: Realizar un apoderamento tipo C a través da ferramenta APODERA, seleccionando o procedemento específico de representación para DIWASS (Código SIA: 3252347)
• Envío da documentación: O xustificante de apoderamento (ou outro documento válido en dereito) debe enviarse por correo electrónico á Subdirección Xeral de Residuos da Xunta de Galicia ao enderezo: residuos.ma@xunta.gal 
  *Importante: Indicar no título do correo : Representación DIWASS

A autoridade competente dispón dun prazo de 5 días hábiles para aprobar, denegar ou solicitar máis información, a contar dende que se solicita o rexistro no DIWASS e se envía a documentación de representación.

A Comisión prestará apoio en cuestións técnicas relacionadas co funcionamento do sistema central.

Pode poñerse en contacto co servizo central de asistencia da Comisión a través de: SANTE-TRACES@ec.europa.eu

Para consultas ou dúbidas sobre a normativa de traslados de residuos internacionais ou a utilización de DIWASS recoméndase en primer lugar consultar toda a información dispoñible nesta páxina, na páxina web da Comisión Europea, así como toda  a información incluída na sección “Traslados internacionales de residuos” do MITECO.

En caso de seguir tendo dúbidas, pode remitilas aos seguintes buzóns, tendo en conta a temática da mesma:

1. Para dúbidas relacionadas coa utilización de DIWASS: Buzón de correo: bzn-diwass@miteco.es Teléfono: 913538395. Horario de atención telefónica: lunes a viernes de 9:00 a 14:00 h.
2. Para consultas relacionadas coa normativa Reglamento (UE) 2024/1157 del Parlamento Europeo y del Consejo, de 11 de abril de 2024): Buzón de correo: basel@miteco.es
3. Para consultas específicas de traslados internacionais de residuos transfronteirizos na CCAA Galicia: residuos.ma@xunta.gal

No seguinte enlace dispón de toda a información sobre como rexistrar os operadores económicos en DIWASS, facilitada pola Comisión Europea, como son: manuais, documentación técnica, videotitoriais, etc. Recoméndase a súa consulta para estar ao día das novidades.

- Información posta en funcionamiento do novo regulamento: Implementation of the Waste Shipment Regulation - Environment

- Información detallada DIWASS: Digital Waste Shipment System (DIWASS) - Green Forum - European Commission

- Información detallada rexistro operadores económicos en DIWASS: How to register economic operators in DIWASS - Green Forum

- Videotitoriais

Teña en conta que a documentación se actualiza continuamente, polo que lle recomendamos consultala periodicamente para estar ao día das especificacións.

- Documentación adicional Seminario 28 abril 2026: Sistema Digital de Traslados de Residuos, DIWASS