Data de publicación: 13.03.2019
Descrición:
Seguindo as directrices do Plan de Xestión de Residuos Urbanos de Galicia (PXRUG 2010-2022), dende a Xunta de Galicia estase a impulsar a execución de distintas actuacións para axudar ás Entidades Locais a mellorar a xestión dos residuos municipais e, máis concretamente, da fracción orgánica.
Para elo, o vindeiro 26 de marzo, a partir das 10 h, terá lugar unha XORNADA SOBRE XESTIÓN DE BIORRESIDUOS no Auditorio Abanca, en Santiago de Compostela (Rúa Preguntoiro, 23).
Durante a Xornada, darase conta da separación e xestión dos biorresiduos así como a prevención do desperdicio alimentario e que poden ser de interese para os representantes locais, técnicos de residuos e xestores.
Para confirmar asistencia, é preciso cubrir o FORMULARIO DE INSCRICIÓN antes do venres 22 de marzo, ao que se pode acceder a través desta LIGAZÓN.