Data de publicación: 14.09.2020
Descrición:
Mañá, 15 de setembro, entre as 08:00h e as 09:30h porase en marcha unha nova versión da Plataforma GaIA eResiduos, polo que non estará operativa durante ese tempo.
Nesta versión inclúense, entre outras, as seguintes melloras e correccións de erros:
Entradas e saídas de materiais.
Corrixido un erro existente nestes módulos de forma que xa se permite eliminar correctamente as entradas e saídas de materiais.
Realizados cambios nos campos obrigatorios a cubrir nunha entrada ou saída de material:
É obrigatorio cubrir os datos da entidade e centro orixe e destino do material.
É obrigatorio cubrir o código do traslado, permitíndose un formato libre definido polo usuario.
Para entradas de materiais debe cubrirse a autorización de destino.
Para saídas de materiais debe cubrirse a autorización de orixe.
Traslados transfronteirizos
Habilítase un novo módulo para poder rexistras aqueles traslados transfronteirizos de residuos non perigosos non sometidos ao procedemento de notificación e autorización previa. En consecuencia, haberá dous módulos para o rexistro de traslados transfronteirizos:
Creación de traslado transfronteirizo – not. e aut. previa (anexo I)
Creación de traslado transfronteirizo – información xeral (anexo VII)
A partir de agora poden rexistrar e asinar calquera traslado transfronteirizo que realicen e esta información constará no seu arquivo cronolóxico telemático.
Alta a través de eTramitación
Corrixido erro no módulo de eTramitación que impedía aos usuarios poder rexistrar correctamente unha nova empresa na plataforma.
FAQs subida de documentos XML e envío por WS
Xa está dispoñible para a súa consulta un documento que recolle os erros ou incidencias máis habituais acontecidas durante o proceso de subida de documentos XML ou envío a través do WS así como as súas posibles solucións. Este documento estará accesible desde o módulo de eResiduos, na parte superior dereita, ao lado do botón “Manual”
Desculpen as molestias