Consellería de Medio Ambiente, Territorio e Vivenda

CMATI

Vostede está en:
|
|
|
Compartir

Nova edición do Concurso PILABOT: recicla con enerxía!

Data de publicación: 22.11.2019

Descrición:

A Consellería de Medio Ambiente, Territorio e Vivenda, xunto con ECOPILAS, ERP e ECOLEC, convidan a todos os centros educativos galegos de primaria e secundaria a participar na segunda edición do Concurso PILABOT.

A finalidade do Concurso PILABOT é fomentar a recollida selectiva de pilas e acumuladores portátiles entre o alumnado e as súas familias. Os centros que máis pilas recollan obterán premios para a compra de material escolar, deportivo e/ou actividades educativas.

Os colexios interesados en participar poderán inscribirse a partir de hoxe e ata o 13 de decembro –ou ata completar as prazas ofertadas- a través da páxina web pilabot.

  • Poderán participar ata 150 centros de toda a comunidade autónoma galega, tanto públicos coma privados, concertados ou non concertados (incluíndo aqueles centros que xa participaron na edición anterior).
  • O concurso desenvolverase entre os meses de xaneiro e maio do presente curso escolar.
  • As inscricións deberán realizarse a través da web www.pilabot.gal a partir do día de hoxe, 22 de novembro de 2019 (irán por orde de inscrición ata completar as 150 prazas).
  • O PRAZO DE INSCRICIÓN remata o vindeiro 13 de decembro

 

Para calquera aclaración, poden contactar na seguinte dirección de correo electrónico: residuos.economia.circular@xunta.gal

 

Subir