Axentes implicados:
- Produtor: persoa física ou xurídica que xera os residuos.
- Notificante: toda persoa física ou xurídica que se propoña trasladar ou facer que se trasladen residuos. Sobre ela recae a obriga de tramitar o traslado transfronteirizo (produtor, destinatario, intermediario,consultor, etc.).
- Destinatario: a persoa ou a empresa á cal se trasladan os residuos para a súa eliminación ou valorización.
- Transportista: persoa física ou xurídica que transporta os residuos dende o produtor ata o destinatario.
- Autoridade competente de expedición: Administración competente do país de onde saen/exportan o residuo.
- Autoridade competente de destino: Administración competente do país que recibe/importa o residuo.
- Autoridade de tránsito: Administración/s competente/s do/s país/es por onde pasan os residuos sen ser orixe nin destino.
Autoridades competentes:
A Secretaría Xeral de Calidade e Avaliación Ambiental da Consellería de Medio Ambiente, Territorio e Infraestruturas é a autoridade competente de expedición/destino no transporte de residuos entre Galicia e o resto de países da Unión Europea.
O Ministerio de Medio Ambiente do Estado español é a autoridade competente para a importación/exportación de residuos entre Galicia e os países que non pertencen á Unión Europea.