Data de publicación: 14.02.2018
Descrición:
O Ministerio de Agricultura e Pesca, Alimentación e Medio Ambiente (MAPAMA) lanza a convocatoria de Axudas Residuos 2018 (PIMA Residuos e PEMAR) para promover actuacións que permitan reducir as emisións de gases de efecto invernadoiro (GEI) e avanzar na consecución dos obxectivos da Directiva 2008/98/CE de Residuos, da Lei 22/2011, de 28 de xullo, de residuos e solos contaminados, do Plan Estatal Marco de Xestión de Residuos (PEMAR), así como no cumprimento dos obxectivos relativos ás enerxías renovables.
· Axudas para o fomento da compostaxe
Estas axudas están enfocadas a impulsar a implantación da recollida separada da fracción orgánica dos residuos municipais e a compostaxe.
Os proxectos susceptibles de financiamento son os seguintes:
- Proxectos de recollida separada de biorresiduos para o seu tratamento biolóxico.
- Proxectos de compostaxe doméstica e comunitaria de biorresiduos.
- Proxectos de construción de instalacións de compostaxe destinadas ao tratamento de biorresiduos.
· Recollida separada de aceite de cociña usado
Os proxectos susceptibles de financiamento son os proxectos de recollida separada de aceite de cociña usado para fabricación de biocarburante.
· Proxectos de biogás
Estas axudas están enfocadas a incentivar usos de biogás alternativos á queima en fachos ou de xeración eléctrica, así como a cambios en procesos que incrementen a xeración de biogás.
Os proxectos susceptibles de financiamento son os seguintes:
- Proxectos de depuración e inxección de biogás na rede.
- Proxectos de depuración e uso en frotas de transporte.
- Proxectos de uso en motores de coxeneración.
- Proxectos de uso de biogás para produción de calor.
- Proxectos de cambio nos procesos destinados a aumentar a xeración de biogás.
Tramitación e financiamento
As entidades locais deberán dirixir a súas solicitudes, de forma telemática, á Subdirección Xeral de Residuos. Adicionalmente, e para axilizar a tramitación das solicitudes co MAPAMA, prégase tamén a remisión dos proxectos ao correo electrónico:
residuos.economia.circular@xunta.gal
O prazo para remitir as solicitudes á Subdirección Xeral de Residuos remata o 31 de marzo.
Corresponde ao MAPAMA a valoración das propostas e a distribución dos fondos entre os proxectos presentados. E, no caso de que o crédito non sexa suficiente para financiar todos os proxectos, seleccionaranse os proxectos a financiar por orde de entrada no Rexistro da Comunidade Autónoma.