Consellería de Medio Ambiente, Territorio e Vivenda

Data de publicación: 24.11.2017

Descrición:

O próximo día 30 de novembro entre as 9:30 h e as 18.30 horas, desenvolverase no Palacio de Exposicións e Congresos da Coruña (Palexco) unha Xornada sobre Economía Circular.

A Xornada sobre Economía Circular é un punto de encontro co coñecemento e as mellores prácticas para impulsar un desenvolvemento comprometido co medio ambiente e coa xeración de emprego e oportunidades para o tecido produtivo galego. A través de conferencias e mesas redondas con casos de éxito, a Xunta de Galicia pretende poñer o foco sobre a responsabilidade compartida que temos ante os novos retos que derivan do quecemento global e o esgotamento dos recursos naturais.

A Consellería de Medio Ambiente e Ordenación do Territorio, consciente do papel que xogan as administracións públicas dentro do emprego eficiente dos recursos, pon en marcha esta iniciativa coa colaboración de Ecoembes.

Para inscribirse prema aquí.